科蘭
Forlán 勇奪今屆世界盃金球獎 !
作為一個前鋒
不止於前方入球
更為隊友輸送
再加上精準既罰球技術
帶領烏拉圭由分組賽殺到入四強
最後到季軍戰
輸俾德國得第四名
自 1970 年攞第四名以黎
真係 40 年未入過四強喇…
Forlán 功不可沒
如果季軍最後既美妙罰球唔係中楣彈出的話
更為佢今屆世界盃畫上完美句號
西班牙
"Dani Jarque: siempre con nosotros" -> "Dani Jarque: always with us”
攞冠軍, 真係冇野好講
實至名歸 !
係開頭衰左少少, 輸俾瑞士 XD
Villa 慢熱, 慢慢先黎料
Torres 就剛傷癒復出冇態, 一個廢托
後尾就愈打愈好
打番成隊 teamwork 出黎
始終足球都係一個團體合作運動
防反 + 控球在腳 真係屈晒機
但你想話控球在腳就控球在腳架喇?
你睇西班牙就切實做到喇
西班牙有史以黎第一次拎世界盃
攞完 歐洲國家盃 連續攞埋 世界盃
西班牙都係第一隊 !
CLAP !!
英格蘭
英格蘭唔係英國 ( 英國 = 英格蘭 + 蘇格蘭 + 威爾斯 + 北愛爾蘭 )
歷史因素, FIFA 俾英國分開地區四隊參賽
以後聽倒人話 “今晚場波英國對美國, 一定好好睇 !!”
咁你就可以話佢知唔係英國喇 😀
講到英格蘭
可能香港以前係英屬殖民地
好多香港人都好支持英格蘭
加上傳媒每屆都吹捧英格蘭為 1966 年以黎最強陣容 ( 因為英格蘭 1966 年拎過一次世界盃, 果次決賽因一球問題球 (Ghost Goal) 擊敗西德, 德國今屆0係 16 強報番仇 !? )
每次佢都係捧盃熱門之一
其實我初頭對佢都冇乜特別喜好
但自從 2002 果屆世界盃對阿根廷
Beckham 下半場入左一球十二碼, 乜野自信都番晒黎之後
英格蘭就開始打 9-0-1
連守門員 10 個人企0係禁區入面
只放一個 Owen 0係前場等反擊 ( 2002 年既 Owen 係處於顛峰狀態, 唔係今時今日既… )
成王敗寇
英格蘭真係守得到完場
最後真係贏左
但真係贏得冇乜骨氣…
自從呢次之後
我就對佢好反感
每次見倒佢輸波我都好開心 🙂
所以今次世界盃
一開波我已經買左佢捧盃
睇到個賠率我都呆一呆
竟然只係得 6 倍 ( 唔係熱成咁 ha fa… )
不過唔緊要, 我都係買個對沖
萬一個萬一佢 真 係 捧盃的話
希望可以彌補少… 少… 既心靈上既損失
幸好 !
佢輸左
我撕飛不知撕得幾開心 🙂